Zeekr универсал шығарады

Zeekr 007 моделінің бес есікті нұсқасын жасап жатқанын растады. Компания басшысы Ан Конхуэй универсал нарыққа 2025 жылы шығатынын айтты. Ол машинаның техникалық мәліметін жариялаған жоқ, бірақ Қытай басылымдары бірқатар болжам ұсынды.

Бес есікті 007 Еуропа нарығына арналады, өйткені Қытайда универсалға сұраныс жоқ.

Жаңа машинаның 007 седанынан айырмашылығы аз. Zeekr өзге автоөндірушілер сияқты жаңа өнімнің мотор гаммасы мен өлшемін өзгеріссіз қалдыруы мүмкін. Универсалдың ұзындығы шамамен 4.9 м, дөңгелек базасы 2.9 метр болады, демек ол өзге екі брендтің жаңа электромобильдері Nio ET5T мен Neta S Wagon арасында орналасады.

Болжам бойынша бес есікті машина сыйымдылығы 75 және 100 кВт⋅сағ болатын екі түрлі батареямен жабдықталады, олармен седан 870 км жол жүреді, 10.5 минутта 10-нан 80 %-ға дейін қуат алады. Базалық машина 421 ат күшіне ие бір мотормен қозғалады, ал үздік түрленімінде 224 ат күшін беретін тағы бір қозғалтқыш болады. Жаңарған жартылай автономды басқару жүйесі жаңа 007-мен бірге жарық көреді.

Zeekr басшысы универсалдан бөлек EX1E индексті флагман кроссовер шығатынын растады. Толық өлшемді электрокардың дизайны басқа Zeekr модельдеріне қарағанда өзгеше, ол нарықта Rolls-Royce Cullinan сияқты модельдермен бәсекелес болады. Машина 2025 жылдың үшінші тоқсанында шығады.