Қазір Солтүстік Америкада сатылып жатқан Allspace-тің (Қытайда Tiguan L) 55 %-ы модельдің ұзарған нұсқасы. Еуропалық Tiguan Allspace пен америкалық Tiguan Мексикадағы бір зауыттан шығатындықтан, жоспарлы рестайлинг бәрін бірдей қамтыды.
Базалық модель сияқты Tiguan Allspace те жаңа оптика мен радиатор торын иеленіп, сырттай соңғы Golf-ке ұқсап қалды. Жаңа бампердің арқасында шанағы біршама ұзарып, 4723 мм-ге жетті. Мотор гаммасы сатылатын аймаққа байланысты. Еуропа нарығына арналған кроссовер 150 және 190-220 ат күшін беретін 1.5 және 2.0 литрлік TSI бензинді моторларымен, сонымен қатар 2.0 TDI (150 не 200 а. к.) турбодизелімен жабдықталады. Олар механикамен немесе DSG роботымен жұптасады. АҚШ тұрғындарында мотор таңдау мүмкіндігі жоқ. Бұл елде модель тек автоматпен жұмыс істейтін 187 ат күшіне ие бензинді 2.0 TSI моторымен ұсынылады. Ұзын «Тигуанның» гибриді де, спорттық нұсқасы да болмайды.
Көліктің барлық нұсқасына цифрлы аспаптар панелі, дауыс арқылы басқару мүмкіндігі бар MIB3 мультимедиа кешені орнатылады. Көмекшілер тізімінде шұғыл тоқтату және көрінбейтін аймақтарды бақылау жүйелері, бейімді круиз-бақылау, жолақта ұстап тұру функциялары бар.
Tiguan Allspace сатушылардың қолына жылдың алғашқы жартысында түседі. Бағасы кейін белгілі болады. ЕЭО елдерінде модельдің ұзарған нұсқасы жоқ, ал Калугада құрастырылған 1.4 TSI моторы бар Tiguan-ның бағасы 12 млн теңгеден басталады.
Комментариев: 0