Ұлыбританияда ең қымбат Mercedes-AMG өртеніп кетті

Британияның Стаффордшир қаласында 275 данасы шығады деп жоспарланған Mercedes-AMG One гиперкарының біреуі өртеніп кетті. The Sun газеті жариялаған фотодан неміс супергибриді түгі қалмай жанып кеткенін көруге болады. Mercedes-Benz оқиғадан хабардар екенін, бірақ өрт себебі әлі анықталмағанын мәлімдеді. AMG One кем дегенде 2 млн доллар тұрады.

Mercedes-AMG One өндірісіне Британиядағы екі зауыт жауапты, гиперкар Ковентридегі Multimatic зауытында, ал оның күштік құрылымы Бриксвортта жасалады, сондай-ақ мұнда жарыс болидіне арналған мотор шығады. Дайын болған автомобильді Аффальтербахқа жеткізіп, одан әрі тапсырыс берушіге жөнелтеді.

Бір клиент машинасын ұзағырақ күтетін сияқты. Mercedes-AMG гиперкар автотасығыш үстінде өртенгенін хабарлады (өртенген дайын купе ме, әлде бір зауыттан екіншісіне бара жатқан машина ма, белгісіз). Mercedes-AMG One да, жүк көлігі де жанып кеткен, құтқарушылар оқиға орнына жетіп үлгермепті, өрттен ешкім зардап шекпеді.

Өрт себебі әлі анықталған жоқ. Супергибридтің 8.4 киловатт батареясы тұтанды немесе автотасығыштан ақау шықты деген болжам бар.

Mercedes-AMG басылымға істің мән-жайын анықтайтынын хабарлады, бірақ тағы бір One шығара ма, жоқ па, белгісіз. Компания өртенген гиперкардың орнына басқасын құрастыруы мүмкін. Былтыр Lamborghini солай істеген еді. Қыста Felicity Ace кемесімен бірге ондаған Aventador Ultimae суға батып кеткен соң, көктемде италиялық компания өндірісі ресми тоқтаған суперкарды қайта шығарды.

1 / 7

• 
• 
• 
• 
• 
• 
• 

1 / 7

Mercedes-AMG One күштік құрылымымен ерекшеленеді. Ол Формула-1 болидінен алған 1.6 литрлік V6 және қосымша төрт электромотормен жүреді. Жалпы қуаты 1063 ат күшіне жететін купе алғашқы жүздікті 2.9 секундта еңсереді.