Алматыдағы көлік жуатын орындар сусыз қалды

Алматыдағы көлік жуатын орындар сусыз қалды

Коммуналдық қызмет өкілдері суды тазалап, қайта пайдаланатын жүйені орнатпаған кәсіпкерлерді желіден ажыратты.

Биыл қазанда Қазақстан халқына жолдауында Президент елдегі су тапшылығы туралы айтты. Мемлекет басшысы көлік жуу үшін ауызсуды пайдалану ақылға қонымсыз деп, бұны қатаң шектеуді талап етті. Кейін су ресурстары және ирригация вице-министрі Жандос Салимов көлік жуатын орындарды бақылауды күшейтеміз деп уәде берді.

Жақында «Алматы Су» ЖШС қаланың Әуезов ауданындағы көлік жуатын жерлерді тексерді. Коммуналдық қызмет өкілдері 60 компанияны аралап, олардың 90 %-ында суды тазартып, қайта пайдалануға мүмкіндік беретін жүйе бар екенін анықтады. Алайда жетеуінде мұндай жабдық болмағандықтан, оларды желіден ажыратты. Қала әкімдігі хабарлағандай, кәсіпкерлер қажет құрылғыны орнатып, оның жұмысын тексерткеннен кейін ғана суды қайта пайдалана алады.

Тексеріс мегаполистің барлық ауданында өтеді. Суды үнемдеп, желіден ажырап қалмас үшін көлік жуатын жердің иелері:

  • суды қайта пайдалану жүйесін орнатуы;
  • жабдықтың жұмысын қадағалауы;
  • ауызсу шығынын азайтуы;
  • құбырға заңсыз қосылуға жол бермеуі;
  • тұтыну процесін бақылауы қажет.

Комментариев: 1

✖
Чтобы оставить комментарий, вам необходимо зарегистрироваться или авторизоваться.

Комментарии отключены.