«Көлік мәселесі бойынша Қазақстан Республикасының кейбір заңнамалық актілеріне өзгерістер мен толықтырулар енгізу туралы» заң жобасы жуырда ҚР парламент мәжілісінде ұсынылды. Егер өзгерістер қабылданса, «Яндекс.Такси», Uber, InDriver сынды қызметтер арқылы экипажды көлікті жалдау келісімшартын жасап, жолаушылар тасымалдауды ресми такси қызметіне жатқызатын болады.
— Біз бұл қызмет түрінің өте танымал екенін білеміз. (…) Көбіне, аталған мобильді қосымшаларды пайдаланатын жүргізушілер көлік заңнамасының талаптарына сай келмейді. Біз механизмді жеңілдеттік. Таксомоторлы тасымалмен айналысу үшін тек ескерту беру қажет. Ал тасымалдаушылар біздің заңда экипажды көлікті ұсыну тәртібі реттелмегендіктен, құқықтық ілік тауып, пайдалануда, яғни қызмет көрсетуде. Түзетулер қабылданғаннан кейін, егер депуттар қолдаса, біз такси қызметтерін реттеуді және компанияларды бақылауға алуды көздеп отырмыз, ал көлік құралдарын ескерту беру және заңнама талаптарына сай болу жағынан тексермекпіз, — деп мәлімдеді ҚР Инвестициялар және даму министрлігі Көлік комитетінің төрағасы Әсет Асаубаев.
Шенді жаңа ережелер бекітілген жағдайда, соған сәйкес халық арасында сұранысқа ие тасымал қызметтері жүргізушілерінің медициналық тексерістен өтуге міндеттелетінін атап өтті. Сонымен қатар, көлікке де бірқатар арнайы талаптар қойылатын болады. Дегенмен, мұның қалай жүзеге асатынын ол ашып айтпады.
Комментариев: 0