Volvo көліктерінің ішіндегі ең шағын модель үшін CMA (compact modular architecture) платформасын қолдану мүмкін болмағанын компания басшысы Хокан Самуэльссон айтты. Сол себепті XC20 аталатын машина Geely мамандары жасаған SEA (sustainable experience architecture) платформасына негізделеді. Ол бастапқыда электромобиль үшін құрастырылған, сондықтан жаңа көлікке қайта бейімдеудің қажеті жоқ.
Volvo XC20 2025 жылы жарық көреді деген болжам бар. 1 қазан күні Гент қаласындағы зауытта бір жыл бұрын таныстырылған маркаға тиесілі алғашқы электромобиль — XC40 Recharge P8 шығарыла бастады. Көліктегі екі электромотор 408 ат күші мен 660 Нм айналу моментін береді. Бағасының қымбат екеніне қарамастан, Германияда тапсырыс берушілер әлден кезекке тұрып жатыр, бірақ 60 мың еуро тұратын көлікті мінгісі келетіндердің жарты жыл күтуіне тура келеді.
Комментариев: 0