Volkswagen Tiguan-ның үшінші буынын ресми таныстырды

Тизері жария болып, суреті желіде тарап, прототиптері көзге түскеннен кейін Volkswagen ақыры үшінші буындағы Tiguan-ды ресми түрде таныстырды.

Tiguan-ның қыры кетіп, дөңгелене түсетіні бұған дейін белгілі болған. Жаңа жарық техникасымен ID.4 электромобилін еске түсіреді.

1 / 6

• 
• 
• 
• 
• 
• 

1 / 6

Volkswagen Tiguan DCC Pro бейімді аспасымен жүретін MQB Evo платформасына негізделген. Дөңгелек базасы (2 681 мм) өзгеріссіз қалды. Бренд өкілдерінің айтуынша, өлшемі аз ғана өзгерсе де, салон кеңіп, жүксалғыш 33 литр (648 л.) үлкейіпті.

1 / 5

• 
• 
• 
• 
• 

1 / 5

Автомобиль ішіндегі ірі 15 дюймдік медиажүйе мен цифрлы аспаптар панелі көз тартады, үйреншікті автомат қорап селекторының жоқ екені де бірден байқалады. Ол қазір рөлде тұр. Орнын Driving Experience Switch жүргізу режимін таңдау шайбасы басты. Ол да дыбысты реттейді және тағы бірнеше функция атқарады.

Мотор гаммасында гибрид күштік құрылымның бірнеше нұсқасы бар: 48 вольттық стартёр-генератормен жұптасқан 1.5 литрлік бензинді мотор, сонымен қатар электромотормен жұптасқан турботөрттік (204 не 272 а.к.). Алдыңғы жетекті кроссовер тек электр күшімен 100 шақырымға дейін жол жүре алады.

Марка клиенттерге дизельді қозғалтқыш та ұсынуға дайын. 2 литрлік агрегат 150-193 ат күшін береді және алдыңғы жетек жүйесімен жұмыс істейді. Толық жетекті Tiguan 2 литрлік EA888 қозғалтқышымен (203 немесе 265 а.к.) жүреді.

Автомобиль бейімді круиз-бақылау, жолақты бақылау, автоматты тежеу, тауға шыққанда жүруге көмектесу және т.б. жүйелерден тұратын жүргізуші ассистентінің толық жинағымен жабдықталады.

Еуропада үшінші буындағы Volkswagen Tiguan 2024 жылдың басында сатыла бастайды. Бағасы әзірге белгісіз.