VW ID.4 электрокроссоверін АҚШ жұртына насихаттайтын жарнама жарық көрді. Промороликте отбасылық автокөліктің басты артықшылығы — кең әрі жайлы салоны, дауыспен басқаруға болатын «ақылды» электроникасы көрсетілген. ID.4-тің дыбыссыз моторы қала сыртына сапар кезінде жолаушылардың тыныштықта табиғатты тамашалауына жағдай жасайды.
Әдетте өндіруші сюжет барысында өзгенің өнімін антитеза ретінде көрсететін болса бренд немесе модельді атамай, нәзік нюансты сыпайы түрде айналып өтеді. Бәсекелестің эмблемасы мен басқа белгілерін жасырып қояды. Бірақ VW олай істеген жоқ. Ластанған Subaru Outback-ті ашық көрсетті. Тіпті роликте жапон машинасындағы «Табиғатты жақсы көремін» деген жазуды көргенде VW-дегі жолаушы кекесінмен «Рас па?» дейді.
Жапониялық компания мұндай жөнсіз «шабуылды» жауапсыз қалдырмайтын шығар. Олар жақында ID.4-тің кемшілігін көрсететін видео түсіруі мүмкін.
Жол талғамайтын екі көліктің бағасында айтарлықтай айырмашылық бар: АҚШ-та Subaru Outback-тің бағасы 27 800 доллардан басталады, ал VW ID.4 41 000-45 000 долларға бағаланады.
Комментариев: 0