Volkswagen Group 700 млн доллар тұратын ірі мәмілеге қол қойғанын хабарлады. Бұл сомаға неміс компаниясы Xpeng-тің 5 % акциясын сатып алуға ниетті. Екі жақ бірлесіп электромобиль өндірісімен айналысатын ұзақ мерзімді техникалық келісімшартқа қол қойды. Жаңа модельді алдымен аспан асты елінде сатады.
Volkswagen-ге Қытай нарығында BYD, Tesla сияқты маркалармен бәсекелес болу қиын болғандықтан, осындай қадамға баруға мәжбүр болды. Xpeng пен Volkswagen бірігіп өндірген алғашқы электромобиль 2026 жылы шығады.
Ресми мәлімдеменің екінші бөлімінде Volkswagen Group Audi туралы сөз қозғады. Бұдан ертерек бренд басшылары электромобиль өндірісі үшін Қытай платформаларына көз сала бастағанын айтқанбыз. Енді компанияның қытай-неміс көлігін өндіретіні анық. Брендке SAIC серіктес болады. Бірақ жаңа модель қашан жарық көретіні белгісіз.
Комментариев: 0