Chery Fulwin T9 тағы арзандады

Қытайда жаңа Fulwin T9 кроссовері саудаға шықты, оны Tiggo 9-дың гибрид нұсқасы деуге болады. Компания уәде еткендей, модель арзандады. Мамырдың басында базалық нұсқаның бағасы 20 мың юань түссе, қазір тағы 10 мың юань арзандады. Fulwin T9 электр қуатымен 120 шақырым еңсере алады, ал жалпы жүріс қоры 1400 шақырымға жетеді.

1 / 9

• 
• 
• 
• 
• 
• 
• 
• 
• 

1 / 9

Fulwin T9-дың күштік құрылымындағы 1.5 литрлік дәстүрлі қозғалтқыш 156 ат күшін және 220 Нм момент береді, ал электрлі мотор тағы 204 ат күшін (310 Нм) қосады. Жаңа өнім алғашқы жүздікті 7 секундта еңсереді. 19.43 киловатт батарея 30-дан 80 %-ға 20 минутта қуатталады. Болашақта Fulwin T9-дың 200 шақырым жүре алатын, сыйымдылығы үлкен аккумуляторы бар нұсқасы шығады.

Chery Fulwin T9-дың сырт пішіні Tiggo 9-ға ұқсас, бірақ алдыңғы жағы радиатор торының орнындағы бітеу панельмен ерекшеленеді. Компания көліктің бес және жеті орынды модификациясын ұсынады. Кроссовер Snapdragon 8155 чипі орнатылған медиажүйемен, бет-әлпетті тану мүмкіндігі бар 10.25 және 15.6 дюймдік екі дисплеймен және 14 Sony динамигімен жабдықталады.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Жүргізуші орындығында массаж және желдету функциялары бар, ал жолаушы орындығы бір түймені басса жазылады. Үш қатарлы нұсқада екінші және үшінші қатардағы орындықтарды жазғанда 2.1 шаршы метрлік ұйықтайтын орын пайда болады. Кейбір комплектацияға екінші деңгейлі жүргізуші ассистенті кешені орнатылады.

Гибридтің Қытайдағы бағасы 129 900-169 900 юань аралығында. 21 мамырдағы жағдай бойынша Chery 50 мыңнан астам алдын ала тапсырыс алған.