Volkswagen мен SAIC бірлесіп құрған кәсіпорын бір зауыттың жұмысын тоқтатуды жоспарлап отыр. Бұл туралы Reuters және Bloomberg хабарлады. Олардың пайымдауынша сөз Нанкиндегі Passat моделін жасайтын орын туралы болып отыр. Себебі Volkswagen тым көп автомобиль шығарады.
Reuters мәліметі бойынша компания Passat құрастыру жұмыстарын Нанкиндегі кәсіпорыннан көршілес ғимараттардың біріне көшіруді жоспарлап отыр. Сондай-ақ қызметкерлердің бір бөлігін Lavida седанын құрастыратын бөлімшеге ауыстырмақшы. Жылына 360 мың автомобиль құрастыратын зауыт жабылады немесе сатылады, бірақ әлі нақты шешім қабылданбаған.
Бірлескен кәсіпорын Škoda-ның топтамасы мен нарықтағы орнын қайта қарастырады. Кейбір дерек бойынша 2018 жылы брендтің альянстағы жалпы сауда көлемі шамамен 18 % болса, қазір бұл үлес 1 %-ға қысқарды. Дереккөздер Нинбодағы өндіріс орнының да болашағы бұлыңғыр екенін хабарлады.
Bloomberg аналитиктері алдағы реформалардың басты себебі іштен жанатын қозғалтқышы бар көліктерді артығымен өндіру деп есептейді. Олардың саудасы жергілікті нарықта біртіндеп төмендеп келеді, ал Қытай халқы бензинді Volkswagen-ді бұрынғыдай көптеп алғысы келмейді. Агенттік мәліметі бойынша Volkswagen мен SAIC құрамындағы зауыттар жылына 2 миллионнан астам көлік шығара алады, бірақ қазір олар шамамен 60 % жұмыс істеп тұр.
Ұқсас мәселені Volkswagen Еуропада да бастан кешуде, бренд көлік құрастыруды тоқтатып, қызметкер санын қысқартуды жоспарлап отыр. Дағдарыс электромобильге сұраныс күрт төмендеуінен туындаған.
Комментариев: 0