Volkswagen Қазақстанда Bora моделін сатады

Шілденің ортасында Volkswagen-нің елдегі өкілдері марка нарыққа бірнеше моделін шығаруға дайындалып жатқанын айтқан. Бізге келетін машиналар арасында Bora седаны бар. 20 шілде күні арнайы реестрде көлік типін мақұлдау құжаты пайда болды, ондағы дерекке сүйенсек, Қазақстанда осы атаумен басқа автомобиль саудаға түсетін сияқты.

1 / 8

• 
• 
• 
• 
• 
• 
• 
• 

1 / 8

Қытайда ұзындығы 4.66 метр, дөңгелек базасы 2.7 метр төрт есікті көлік Bora аталады, ал біз көрген құжатта техниканың ұзындығы 4.8 метр, ал ось арасындағы қашықтық 2.73 метр деп тұр. Негізі, FAW-Volkswagen бірлескен кәсіпорны құрастыратын Sagitar L седанының өлшемі сондай. Бұл модельді бренд БАӘ тұрғындарына Jetta ретінде ұсынады.

Sagitar L алғаш 2025 жылы Ченду автосалонында ел алдына шыққан. Ол 7 сатылы DSG-мен (DQ 380) жұмыс істейтін 1.5 литрлік турбомотор көмегімен қозғалады. Сертификатта агрегат 160 ат күші мен 250 Нм момент береді деп жазылған.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Құжатта комплектациясы мен жабдықтарына қатысты мәлімет жоқ, бірақ арабтар мініп жүрген көлік 10.25 дюймдік цифрлық аспаптар панелін, 15 дюймдік медиакешен планшетін, панаромалық шатыр, сымсыз қуаттағыш және қарапайым ассистенттер кешенін алған.