Volkswagen-нің Қытайға арналған ірі гибриді: интерьері қандай

SAIC-Volkswagen бірлескен кәсіпорны ID. Era 9X деп аталатын жаңа гибрид флагманының салонын көрсетті.

Автомобиль алты орынды. Жүргізушінің алдында жіңішке цифрлық аспаптар панелі бар, оның жанына екі 15.6 дюймдік экран жайғасқан. Екінші және үшінші қатардағы жолаушыларға арналған 21.4 дюймдік дисплей төбеде тұр. Компания интерьердегі амбиент жарықтың ұзындығы 12.8 метр екенін атап өтті. Басқа ерекшеліктері әзірге белгісіз.

1 / 4

• 
• 
• 
• 

1 / 4

Қытай өнеркәсіп министрлігі қаңтарда машинаның техникалық сипаттамасын жариялағанда 5.2 метрлік сериялық ID. Era 9X-тің сырт келбеті белгілі болды. Көлік генератор ретінде жұмыс істейтін 1.5 литрлік бензинді турбомоторы бар гибрид күштік құрылыммен жүреді. Қарапайым нұсқасы артқы осьтегі 295 ат күшіне ие бір электромотормен және 51.1 немесе 65.2 кВт·сағ батареялармен жабдықталады. Толық жетекті түрленімнің алдыңғы осінде 215 ат күшін беретін агрегат тұр, жүйенің жалпы қуаты 510 ат күшіне жетеді. Мұндай модификациялар тек үлкен батарея алады. Электр қуатымен 267-400 км еңсереді.

Жаңа өнімнің саудасы наурызда басталады. Ол Zeekr 9X, жаңа Li Auto L9 және IM LS9 модельдерімен бәсекелеседі.

Бұл сегменттегі өнімдердің атауында тоғыз саны бар. Неміс өндірушісі қытайлардың ырымшылдығын өз пайдасына жаратқан сияқты. Аспан асты елінде 9 ең үлкен бір таңбалы сан болғандықтан фэншуй бойынша сәтті әрі қолайлы деп есептеледі және ерлікті білдіреді.