Volkswagen-нің алғашқы электрлі универсалы шығады

Volkswagen ID.7 электрокарының жаңа нұсқасының алғашқы фотосын жариялады, модель Passat-тың орнын басады. Флагман универсал шанағында шығады, ол енді Variant емес Tourer деп аталады. Машина Еуропада 2024 жылы саудаға түседі.

Бренд атауды электрокар статусын көрсету үшін әдейі өзгерткен сияқты, өйткені бұл Volkswagen тарихындағы алғашқы батареялы универсал. Ол туралы қазірше көп ақпарат жоқ. Тек жүксалғыш көлемі ID.7 лифтбегінен үлкен, әдеттегі Passat Variant-тан кіші екені белгілі. «Турерге» 545–1714 литр жүк сыяды.

Универсалдың ауа кедергісі коэффициенті (0.24) стандарт ID.7-ден (0.23) нашар емес. Демек ID.7 Tourer-дің жүріс қоры да стандарт модельмен бірдей болады.

Жаңа өнім екі моторы бар күштік құрылыммен жабдықталуы мүмкін, 313 ат күшіне ие мұндай агрегат Қытай нарығына арналған ID.7-ге қойылады. Ал Еуропа жолдарында 286 ат күшін беретін бір моторы бар ID.7 жүр.

Volkswagen Passat биыл жазда буын алмастырды. Концерн модельді седан шанағында шығармайды, оның орнын электрлі ID.7 лифтбегі басады.