Volkswagen ID.7 қытайларға ұнамады

Жаңа ID.7 Қытай нарығында төмен нәтиже көрсетті. CarNewsChina алғашқы 72 сағат ішінде бар болғаны 300 тапсырыс түскені туралы мәліметті CarFans сараптама агенттігіне сілтеме жасап хабарлады. Флагман жергілікті тұрғындарға ұнамағанға ұқсайды, сондықтан компанияға жеңілдік туралы ойлануға тура келетін сияқты.

Сарапшылар клиент аз болуы олардың ID.7-ден хабары жоқтығынан емес екенін айтты. Volkswagen электрокарды Шанхайда өткен көрмеде таныстырды. Дегенмен дилерлік орталықтарда көлік үшін талас байқалмады.

Жақында саудаға шыққан BYD Song L моделіне алғашқы 72 сағатта 8 мыңнан астам тапсырыс түскен. Бұған дейін Zeekr 007 алатындардан 48 сағатта 20 мың тапсырыс қабылдағаны хабарланған.

Сарапшылардың пікірінше Қытай нарығында ID.7-нің әлсіз сатылуы жергілікті өндірушілер 200 юаньға ұсынатын балама көптігіне байланысты. Неміс брендінің электрлі машинасы сипаттамасы мен жабдықтар тізімі жағынан жергілікті модельдерден мықты емес. Комплектациядағы нюанстар сатып алушының көңілінен шықпады, мысалы, алдыңғы орындық жылыту функциясы үшін қосымша ақы төлеу керек.

1 / 5

• 
• 
• 
• 
• 

1 / 5

Қытай нарығына арналған модель VW және FAW бірлескен кәсіпорнында жасалады. 204 ат күшін беретін бір моторлы және жүріс қоры 640 шақырымға жететін базалық нұсқаның құны — 237 700 юань (15.2 млн теңге). Еуропадағымен салыстырсақ екі есе арзан. Қытайда базалық ID.7 — 30 000 еуро, Германияда 57 000 еуро тұрады.

Volkswagen ID.7 аспан асты елінде нашар сатылған VW ID.3-тің күнін кешетін сияқты, салдарынан бренд жаңа моделіне түрлі жеңілдік жасауға мәжбүр болады.