Volkswagen ID.3-тің GTI нұсқасы шықты

Атауында Neo қосымшасы бар ID.3 сәуірде жаңарған. Енді оның спорттық GTI нұсқасы пайда болды. Ол бұрынғы батареялы GTX-тің жалғасы. Әйгілі атаудың оралуында бір мән бар және GTI міндетті түрде іштен жанатын қозғалтқышпен жабдықталуы шарт емес дегенді білдіретін сияқты.

1 / 5

• 
• 
• 
• 
• 

1 / 5

ID.3 GTI бұрынғы ID.3 GTX Performance сияқты артқы осьтегі 326 ат күшіне ие (545 Нм) электромотормен жүреді. Хетчбэк алғашқы жүздікті 5.6 секундта еңсереді. Сұйық отын тұтынатын Golf GTI Edition 50 бұдан 0.1 секунд жылдам. GTI-дың рөлі мен бейімделгіш аспасы GTX-тен қатты әрі сезімтал.

79 кВт·сағ аккумулятормен жүріс қоры WLTP циклі бойынша 600 шақырымға жетеді. 10-нан 80 %-ға дейін қуаттауға 30 минут кетеді.

ID.3 GTI рестайлингтен өтіп, ID. Polo GTI-ға тән дизайн алды, бұған 20 дюймдік дискілер де кіреді. GTX-тің шатыры қара болса, GTI-дың үсті шанақ түсімен бірдей. Мамандар 1980 жылдардағы фирма палитрасындағы Tornado Red түсін қолданған.

1 / 5

• 
• 
• 
• 
• 

1 / 5

Жинақы аспаптар панелі, 12.9 дюймдік мультимедиа планшеті және физикалық батырмалары бар салоны ID.3 Neo топтамасындағы модельдерге ұқсайды. Стандарт орындықтардың орнында спорттық кресло тұр, рөлде қызыл белгі салыпты.

ID.3 GTI 2027 жылдың басында саудаға шығады. Бағасы әзірге белгісіз, бірақ басылымдар құны 50 мың еуродан басталады дейді.