Volkswagen электрлі ID.Aero прототипінің суретін көрсетіп, ол туралы біраз мәлімет берді. Машинаның тұсаукесері сәуірде өтуге тиіс еді, алайда Қытайда коронавирус өршіп, шара кейінге қалды.
Ұзындығы бес метрге жететін көлік MEB платформасына негізделген. Жүріс қоры 620 шақырымға жетеді. Фронтальды кедергі коэффициенті 0.23-ке тең, яғни Tesla Model 3-пен шамалас.
1 / 5
ID.Aero сырттай 2018 жылғы ID Vizzion және кейінірек таныстырылған ID. Space Vizzion концептілеріне ұқсайды. Электромобиль 2022 жылдың екінші жартысында сатыла бастайды. Алдымен темір тұлпарды Қытай тұрғындары сынап көреді, ал басқаларға 2023 жылға дейін күтуге тура келеді.
Комментариев: 0