Бір ғана сурет концерн дәл сондай машина жасап жатыр дегенге дәлел болмайды, алайда оны Volkswagen бөлімшесінің басшысы Ральф Брандштеттер жариялағанын ескерсек, батареялы кабрио жарық көреді деп үміттенуге негіз бар. Оған қоса компания бұл мақсатта VW ID.3 моделін қолдана алады. Бұл көлік қазір Еуропада жақсы сатылып жатыр, өз сегментінде үздік үштіктен табылды.
Қазіргі электромобильдердің шанағы жабық, бірақ ерте ме, кеш пе нарыққа электрлі кабриолет шығатыны анық. Неміс маркасына тиесілі модельдер қатарында төбесі ашылатын бензинді Volkswagen T-Roc Cabriolet бар. Өкінішке орай оның сатылымы індетпен тұспа-тұс келіп, 2020 жылы небәрі 11 242 көлік иесін тапты.
Комментариев: 0