Volkswagen батареялы ID. Cross-ты таныстырды

Volkswagen гаммасы тағы бір электрлі кроссовермен толықты. Бюджеттік сегменттегі жаңа өнім ID. Cross деп аталды. Еуропада кроссовердің бағасы 28 000 еуродан (15 млн теңге) басталады.

1 / 11

• 
• 
• 
• 
• 
• 
• 
• 
• 
• 
• 

1 / 11

Агрегаты ID. Polo-мен ұқсас болатын бес орынды кроссовердің ұзындығы — 4.15 метр, дөңгелек базасы — 2.6 метр. VW өкілдері машинаның өлшемі шағын болғанымен, марка инженерлері ішкі кеңістікті барынша тиімді пайдаланғанын айтып отыр. Бұған 475 литр жүксалғыш пен алдыңғы бөліктегі зат сақтауға арналған 25 литрлік қосымша бөлік дәлел бола алады. Жүксалғыш көлемі бойынша жаңа өнім өзінен үлкен T-Roc-ты да артта қалдырады, демек Kia EV2 сияқты негізгі бәсекелестері туралы айтпаса да болады.

1 / 9

• 
• 
• 
• 
• 
• 
• 
• 
• 

1 / 9

Кроссовердің интерьері ID. Polo салонына өте ұқсас. Бірақ ID. Cross алдыңғы панельдегі ауа тартқыштың дизайнымен ерекшеленеді. Орталықта 12.9 дюймдік медиакешен экраны орналасқан, ал жүргізушінің алдында 10 дюймдік цифрлық аспаптар панелі тұр. Сондай-ақ климат басқару пульті мен рөлде көптеген физикалық батырма көзге түседі. Жабдықтар тізімінде панорамалы шатыр, электрлі жетегі бар кресло, массаж функциясы, 10 динамигі бар Harman Kardon аудиожүйесі, матрицалы жарық техникасы және заманауи электронды көмекшілер кешені бар.

Автомобиль алдыңғы осьте орналасқан бір электромотормен жүреді. Базалық түрленімде ол 116 ат күшін береді әрі 37 киловаттық батареямен жұмыс істейді. Қымбатырақ нұсқалары не 135 ат күшіне ие мотор және дәл осындай аккумулятормен, не 211 ат күшіне ие мотор және 52 киловаттық батареямен жабдықталады. Машинаның жүріс қоры 316–436 шақырым болады.

Модельдің қарапайым нұсқасын қуаты 90 кВт-қа дейінгі токпен қуаттау керек, ал үздік түрленімдері 105 кВт-қа дейінгі токты қабылдай алады. Аккумуляторды 10-нан 80 %-ға дейін 24 минутта толтыруға болады.