Компания басшылары батареяны өзімізде өндіру бизнестің тұрақтылығын қамтамасыз етеді деп есептейді. 2030 жылға қарай Volkswagen өндірген көліктердің 60 %-ы электр жетекті болады. Осыны ескере отырып компания аталған уақытқа дейін жылдық өндірісі 240 ГВт/сағ. болатын алты гигафабрика салады.
Бұл көп пе, аз ба? Салыстыру үшін айтсақ, Tesla-ның Невададағы гигафабрикасының қуаты жылына шамамен 39 ГВт/сағ. Ал Швецияның Шеллефтео қаласында салынып жатқан Volkswagen-нің алғашқы зауытының жылдық өндіріс қуаты 40 ГВт/сағ. болады. Екінші зауыт 2025 жылы Зальцгиттер қаласында ашылады. Қалған төрт зауыттың қайда орналасатыны әлі айтылған жоқ.
Автокөлік батареяларының құнын 80 % төмендету үшін Volkswagen бірыңғай аккумулятор ұяшығын қолданады. Бұл техниканы енгізу өндірісті жеделдетіп, техникалық қызмет көрсетуді жеңілдетіп қана қоймайды, сонымен қатар электромобиль құнын 30-50 %-ға төмендетеді. Батареяның бағасы киловатт-сағатына 100 еуроға түседі.
Комментариев: 0