Қаңтар айының соңында жария болған бүкіл әлемдік сатылым нәтижелері бойынша Volkswagen AG концерні көш бастап тұр. 12 ай ішінде ол 10.8 млн көлік сатыпты, бұл 2017 жылмен салыстырғанда 0.9 %-ға жоғары көрсеткіш. Екінші орын 10.7 млн көлік сатып, 1.4 %-ға көбірек пайда тапқан Renault — Nissan — Mitsubishi альянсына тиесілі. Үздік үштікті 2 пайыздық үстемеге ие болып, 10.6 млн көлік сатқан Toyota түйіндеп тұр.
Сандарға сенсек үздік үштік шамамен тең нәтиже көрсеткен, алайда рейтингте аздаған қателік бар. Volkswagen AG де, Toyota да өз көрсеткіштеріне жүк көліктері мен автобустарды енгізген. Ал Renault — Nissan — Mitsubishi альянсында ондай мүмкіндік жоқ. Себебі олар ірі коммерциялық техника шығармайды. Егер аталған техника түрін тізімнен алып тастар болса, онда ең танымал автокөлік өндіруші Volkswagen AG емес, Renault — Nissan — Mitsubishi болар еді.
2019 жылдың бұл үштік үшін қалай боларын болжау қиын. Барлығының да қорқынышы жоқ емес. Мысалы, Volkswagen Қытай мен АҚШ арасындағы сауда соғысы өршіп кете ме деп алаңдайды. Қытай нарығының өзі де көп жылдар ішінде құлдырап кетті. Ал Toyota-ның елеңдеуіне негіз болатын басты себеп — әлемдегі ең танымал көлік болып табылатын Corolla-ға деген сұраныстың төмендеуі. 2018 жылы аталған үлгі 1.7 % жоғалтқан.
Комментариев: 0