Қоймадағы заттары таусылған автозауыт енді механикалық қорабы бар «Гранта» мен «Ниваның» қарапайым нұсқасын ғана құрастыра алады.
Бір-екі жыл бұрын жақсы сатылатын «Вестаға» көлемі шағын болса да, көлікті маңызы аса зор функциялармен қамтамасыз ететін шетелдік жабдықтар көптеп орнатылатыны сөз болған.
«Вестадағы» шетелдік бөлшектер тізімінде электроникадан бөлек қозғалтқыштың аспалы бөлігі, беріліс қорабы мен шассидің бірнеше деталі бар. Зауытта орнататын шина Ресейде шығарылғанмен, итальялық Pirelli брендіне тиесілі.
Дағдарыс дендеген шақта қажет дүниені тез табу мүмкін емес. Сондықтан зауыт жұмысы тоқтап, автосервис қызметінде кідіріс болмас үшін Ресей үкіметі автобөлшектерді «параллель» импорттауды ( ел арасында «сұр» импорт аталады) заңдастыру жөнінде шешім қабылдады. Тіпті тиісті құжатқа қол қойылған.
Басқаша айтқанда, енді түпнұсқа бөлшек жеткізу үшін құқық иесінің рұқсаты керек емес. Демек көп ұзамай теріскейдегі көршімізге батыстағы компаниялардың ірі кәсіпорындары орналасқан Азия жақтан, нақтырақ айтсақ, Қытайдан вагон-вагон бөлшек жеткізіле бастайды. Ол жақтағылар келіссе, әрине. Контрабандалық тауар қарт құрлықтан да келуі әбден мүмкін.
Комментариев: 0