Утилизациялық алым мәселесі бүгін үкіметтің жаңа құрамы талқылаған алғашқы тақырыптардың бірі болды. Экология министрлігінің басшысы Серікқали Брекешевтің сөзінше, «ӨКМ операторы» тарапынан бес жылда қазынаға шамамен 692 млрд теңге түскен. Оның 339 миллиардқа жуығы отандық өндірушілерге қайтарылды.
Нақты сандар айтылмады, өйткені бір түнде есептеудің жаңа жүйесін құру мүмкін емес. Министр президент тапсырмасына сай, жуырда қоғаммен және кәсіпкерлермен утилизациялық алым қабылдайтын мемлекеттік оператор құру, төлем мөлшерін қайта қарау мәселесін талқылау жоспарда барын айтты.
Жаңа үкімет есептеу әдісіне тиісті назар аударады деп үміттенеміз.
Қазір 2022 жылы жеңіл көлік үшін талап етілетін утилизациялық алым мөлшері 459 450-ден 3 522 450 теңгеге дейін барады. Бұл төлемнен электромобиль жеткізетіндер ғана босатылған.
Комментариев: 0