Өнеркәсіп министрлігі пікірталас барысында «қатысушылар утиль алымы процесінде жиналған ақшаның қайда кетіп жатқаны ашық айтылмайтынын атап өтті, отандық автоөндірістің болашағын, қазіргі
Министрлік өкілдері өндіруші компаниялар утиль алымын алып тастау, жұмыс орындары қысқаруына әкеледі дегенін атап өтті. Жиналысқа қатысқандар Қазақстандағы көлік құрастыратын зауыттарға барып көреміз деп келісіпті.
Ал петиция авторы Санжар Боқаев мүлде басқа пікірде. Оның сөзінше, жиналыста бір сұрағына да мардымды жауап алмаған.
«Бірде-бір мемлекеттік орган автоөнеркәсіпті ынталандыру қаншалықты тиімді екенін талдамады. Экономика министрлігінің өкілі ведомство утиль алымының ел экономикасына әсеріне қатысты ешқандай есеп жүргізбегенін хабарлады. Ал Ауылшаруашылық министрлігінің өкілі бұған жауап беретін құзыры жоқ екенін айтты», — деді С. Боқаев.
Айтпақшы, утиль алымының елдің автопаркін жаңартуға қалай ықпал еткенін тексерген Жоғарғы аудиторлық палата мемлекет мақсатына қол жеткізбеді, ал экожобаларды түскен ақша есебінен қаржыландыру механизмдері ашық емес деген қорытындыға келді.
Шенділер Боқаевтың сұрауына сай кездесудің бейнежазбасын кейінірек беретінін айтты, ал зауытқа барғанда фото, видео түсіруге тіпті болмайды екен. Қызығы, кәсіпорындар бұрын блогерлер мен журналистерді шақырғанда, ондай мәселе болмаған.
«Біз олардың барлық шартына келістік, бірақ тағы бос сөзі көп спектакль көрдік», — деді петиция авторы.
Утиль алымы мен бастапқы тіркеу алымын алып тастау туралы петиция eOtinish сайтында жарияланып, оған 50 мың адам қол қойған еді. Процесті камераға түсіруге тыйым салғандықтан, алғашқы отырыс өтпей қалған.
Бұл мәселені қоғам белсенділері жиі көтеретінін айта кеткен жөн. Ең нәтижелі отырыс 2022 жылдың қаңтарында, «ӨКМ операторы» жұмысын тоқтатқанда болған-тын. Қаңтарда кездескен жұмыс тобы коэффициенттерді азайту керек деген шешімге келіп, төлем сомасы 50 %-ға түсті.
Kolesa. kz редакциясы бұл жағдайды өз назарында ұстайды және оқырманға оның барысы туралы мәлімет беруін жалғастырады.
Комментариев: 0