Мамандар 184 шақырымға созылған трассаны 2019 жылы қалпына келтіре бастаған. 2021 жылы жазда 50 шақырым ғана қалғанын айтып, есеп берген жолшылар 2022 жылы трассаны толық өткізуге уәде берген. Бірақ іс тағы бір жылға созылды.
«Қазавтожол» бүгін республикалық маңызы бар Үшарал — Достық тас жолының Көктума ауылынан Жалаңашкөл көліне дейінгі бөлігі қолданысқа берілді деп мәлімдеді.
Аталған аралық үшінші техникалық санаттан екіншісіне өтіпті, бұл жолдың көлік өткізу қабілетін жақсартуға мүмкіндік береді. Жолшылар Ырғайты және Тоқты өзендері арқылы өтетін екі көпір салған.
Қазір Жалаңашкөлден Достық бекетіне дейінгі жерде жұмыс жүріп жатыр. Осы айдың аяғына қарай жол толық дайын болады.
Комментариев: 0