Сарыөзек — Көктал трассасын су шайып кетті

Жетісу облысының Панфилов ауданында 24-25 тамызда қатты жаңбыр жауды. Тау жақтан екпіндей аққан су жолындағы тас пен топырақты түсіріп, Сарыөзек — Көктал тас жолының бір бөлігін зақымдаған.

Көп ұзамай трассаның 152-шақырымындағы бөлікті су шайып кетті.

«Қазавтожол» сел жүрген кезде жол жиегі мен жер жабыны зақымдалғанын хабарлады. Салдарынан жүргін бөліктің бір шеті опырылып, жол бүлінген.

Мәселені шешу үшін ЖЭБ-90 және ЖЭБ-18 экипаждары оқиға орнына аттанды. 18 маман мен 13 арнайы техника жолды тас пен топырақтан тазартып жатыр. Жұмысшылар су шайып кеткен жер жабынын бекітіп, автомобиль жолын қалпына келтіреді.

Бүлінген жерді қоршап қойыпты, уақытша белгілер мен бағыттаушы құрылғылар да тұр. Трасса толық жабылмаған, Көлік реверсивті режимде қозғалып жатыр. Жұмыс қашан аяқталатыны белгісіз. Абай болыңыз.