Классикалық Ural мотоцикл нарығында танымалдығын жоғалтып жатыр. Былтыр небәрі 400 данасы шыққан, бұл соңғы онжылдықтағы орташа көрсеткіштен үш есе аз. Бұл ақпаратты «Интерфакс» агенттігі Ирбиттегі зауыттың (IMZ) атқарушы директоры Владимир Курмачёвқа сілтеме жасап хабарлады.
Топ-менеджердің айтуынша өндіріс көлемі тапсырыс болмағандықтан азайды. Соған қарамастан биыл ИМЗ 700 дана «Урал» шығаруды жоспарлап отыр, ал 2026 жылы өндірістік қуатын толықтай жаңарту үшін зауыт алты айға жабылады.
Қазір Ural Ирбитте ғана емес, Петропавлда (Солтүстік Қазақстан облысы) жасалады. Бірінші алаңдағы мамандар рама, арба және қозғалтқыш жасайды және Ресейге жол тартатын техника құрастырады. Бұл компания үшін санкцияны айналып өтудің бір жолы ғана.
«Уралдың» көбі шетелге кетеді, оны АҚШ, Канада, Еуроодақ, Жапония, Аустралия, Индонезия, Филиппин және Қытай тұрғындары сатып алады. Аспан асты елі бұл тізімге былтыр қосылды және биыл екі жүздей мотоцикл өткенін 66.RU порталы хабарлады.
Комментариев: 0