Қазақстанда «Урал» мотоциклі шығарылады. Бұл туралы Ural Motorcycles бас директоры Илья Хаит компанияның ресми YouTube-арнасында хабарлады.
Өндіріс орны Петропавлда ашылады. Ресей-Украина қақтығысына байланысты санкция енгізілгендіктен, ИМЗ осындай қадамға барып отыр. Зауыт сырттан қажетті бөлшек ала алмай, өзіндегі дайын өнімді шетелге жібере алмай қалды. «Урал» Ресей немесе ТМД елдерінде емес, негізінен АҚШ-та сатылады. Солтүстік Америкаға экспорт тоқтап, зат жеткізуде қиындық болғандықтан, Ирбитте өндіріс тұралап қалды.
Бірақ ИМЗ жабылмайды. Петропавлда құрастыру желісі орнатылады, ал рама және өзге де компоненттерін Ирбиттегі мамандар өндіреді. Атауы да сол күйінде қалады.
Спикер Петропавлдағы кәсіпорын қашан іске қосылатынын айтқан жоқ.
Комментариев: 0