Айналма жол оңтүстік астананың орталығынан Қарасай, Іле және Талғар аудандарының аумағына дейін 20-25 шақырымға созылады. ҚР ИИДМ-нің ресми сайтында жазылғандай, тас жол Қырғауылды ауылындағы Алматы — Ұзынағаш тас жолының қиылысынан басталады, әрі қарай Райымбек ауылының маңындағы Алматы — Бішкек автожолымен қиылысады, содан соң Ақсеңгір станциясындағы Боралдай — Шамалған жолы мен Алматы — Комсомол, Алматы — Қапшағай, Алматы — Байсерке, Құлжа тас жолдарымен қиылысып, Алматы — Талғар қиылысында аяқталады.
Құрылыс барысында 7 жолайрық, 20 көпір мен 20 жол өтпесі салынады.
Естеріңізге сала кетейік, бірінші техникалық санатқа кіретін Үлкен Алматы айналма жолы алты жолақты болады, ал ұзындығы 66 шақырымды құрайды. Мамандардың есебінше, аталған жол мегаполис көшелерінің жүктемесін 60 %-ға азайтуы тиіс. Онымен жүру ақылы болады.
Комментариев: 0