22 ақпанда Мәскеуде «Электромобили Мануфэкчуринг Рус» фирмасы EVM PRO деп аталатын жүк көлігін таныстырды. Машина УАЗ «Профиге» негізделген.
EVM PRO компания мамандары әзірлеген электромотормен жүреді. 116 ат күшіне ие қозғалтқыш сыйымдылығы 80 А*сағ. болатын қытайлық литий-темір-фосфатты батарея блогынан қуат алады. Бұл көліктің 300 шақырымды еркін еңсеруіне мүмкіндік береді. Машинаға 1 тонна жүк тиеуге болады.
Тіпті қысы қатты өңірлерде EVM PRO қиындықсыз қозғалады екен. Батарея үшін арнайы жылыту жүйесі жасалған, ол опция ретінде ұсынылады.
Электромобильдің бағасы — 3.5 млн рубль (19.4 млн теңге). Айта кетерлігі, стандарт УАЗ «Профи» Ресейде 1.2 млн рубль (шамамен 6.5 млн теңге) тұрады.
Фирма жылына 1000 автомобиль өндіруді жоспарлап отыр. Көлік құрастыру тамызда басталады.
Кейінгі кезде электр қозғалтқышы бар шағын жүк көлігін шығаратын компаниялар көбейді. Соның біріy Беларусь шеберлері әзірлесе, тағы біреуі Қырғызстанда құрастырылды.
Комментариев: 0