Сары түсті уақытша жол белгілері біздің елде жол жөндеу жұмыстары жүргізіліп жатқан орындарға қойылады. Бірақ жол ережесінде ол жайлы жазылмаған, сондықтан жүргізушілердің оның талабына бағынуға қатысты пікірі әртүрлі. Осы мәселеге қатысты ҚР ІІМ мамандарына сұрақ қойдық.
Мекеме өкілдері түсіндіргендей, сары белгілер расымен жол ережесінде жоқ, бірақ олар ҚР СТ 1412-2017 «Жол қозғалысын реттеудің техникалық құралдары» ұлттық стандартында көрсетілген. Құжатқа сай, жол жөндеу жұмыстары жүргізілетін және қозғалыс бағыты уақытша ауыстырылатын жердегі белгілердің жарық қайтаратын материалдан сары түсті фонда жасалатыны жазылған (5.1.10-тармақ).
Сонымен қатар, ІІМ мамандары уақытша жол белгілері мен стационар белгілер қарама-қайшы болғанда, уақытша белгілерге бағыну қажет екенін ескертті.
Комментариев: 0