Ыстамбұлдың шығысындағы Сакарья қаласында жаңа «Газель» NN моделі құрастырыла бастағанын «Авторевю» хабарлады. Автокөлікке Қытайда жасалған 170 ат күшіне ие 2.8 литрлік Cummins дизельді моторы қойылады. Ол Еуро-6 стандартына сай келеді және алты сатылы механикамен жұмыс істейді.
Горький зауытының коммерциялық көліктері Түркияда 2014 жылдан бері шығарылып келеді. Қызмет көрсетуі мен құнының арзандығына сүйеніп, сол елде табан тіреуге тырысады. Ататүрік елінде бұл көліктердің сапасына үш жыл немесе 150 мың шақырымға дейін кепілдік беріледі.
Сонымен қатар Иранда «Патриот» пикаптарын полиция қызметкерлері міне бастады. Ульяновск зауытының жол талғамайтын көліктерін осы елге Soroush Diesel компаниясы экспорттайды. Ирандық «патриотқа» ZMZ Pro бензинді моторы орнатылған, ол 5 сатылы Dymos механикалық беріліс қорабымен жұмыс істейді, толық жетек қосылады, ол жақта автомат қорап болмайды.
«Русский автомобиль» парақшасының ақпаратына сенсек, полиция қызметіндегі «патриоттар» қазірше жалғыз қала — Чехбехар портында, яғни провинцияда көзге түсті. Ал ел астанасында және өзге де беделді қызмет орындарында полицейлер санкцияға қарамастан, көптеген жергілікті брендтермен қатар, RAV4-тен TLC 200-ге дейінгі Toyota көліктерін мініп жүр.
Комментариев: 0