Полицейлер ең алдымен құрылыс алаңынан шыққан жүк көліктері мен арнайы техника жүргізушілерін нысанаға алады. Түркістан облысы әкімдігінің баспасөз қызметі хабарлағандай, қалаға кірмес бұрын машинаның шанағы мен дөңгелегі тазалануы керек. Ол үшін құрылыс нысандарына көлік жуатын орындар салынуы тиіс.
Жүргізушілер мен құрылысшыларға әзірше тек ескерту беріліп жатыр, жауапқа ережені өрескел бұзғандар тартылады. Бірақ көп ұзамай лас машина мінгеннің бәрі жолды ластағаны үшін жазаланады. Әкімшілік кодекстің 630-бабы бойынша заң бұзған жеке тұлғаға 2 АЕК, лауазымды адамдар мен шағын кәсіпкерлік субъектілеріне — 10 АЕК, орта кәсіп иелеріне — 20 АЕК, ірі кәсіп субъектілеріне 30 АЕК мөлшерінде айыппұл салынады. Жыл басынан бері Түркістан облысында лас машина жүргізген тұрғындардың атына 511 хаттама толтырылды.
Комментариев: 0