Түлкібас ауданы Шақпақ баба асуындағы ұзындығы 840 метр, ені 11 метр, биіктігі 8 метр болатын екі бағыттағы тоннель М-32 «Самара — Шымкент» тас жолының бір бөлігі саналады.
Құрылыс жұмысы он жыл бұрын басталған. Бірақ түрлі себеппен жобаны аяқтау мерзімі жыл сайын кейінге шегеріліп отырды. 2022 жылы құрылыс материалының күрт қымбаттауына байланысты жұмыс тоқтап, 2023 жылы қайта басталды. Құрылысшылар жұмысты биыл шілдеде аяқтауға уәде еткен, бірақ тоннель бүгін, 12 қыркүйекте ғана ашылды.
Көлік министрлігі хабарлағандай, қауіпсіздік мақсатында тоннельдің екі жағында жарықты, желдетуді, сигнализацияны және бағдаршам қызметін бақылап отыратын диспетчерлік пункт орналасады. Бұдан бөлек нысанда бейнебақылау камерасы мен өртке қарсы жүйе болады.
Сондай-ақ тоннель маңында жол жөндейтін пункт, жанармай құю бекеті, тікұшақ алаңы және сауда үйі болады. Бұл жүргізушілер мен жолаушыларға жайлы орта сыйлайды.
Комментариев: 0