Түрі оғаш әрі сирек кездесетін Chevrolet сатылады

Mecum аукционы Chevrolet Shadi 2000 деп аталатын ерекше автомобильді сатуға қойды. Ол спорткар мен жүк көлігінің гибридіне ұқсайтын, бірақ тюнинг жасалған стандарт Chevrolet пикабы. Сатушылар оны қаншаға бағалап отырғаны белгісіз. Бірақ қазір әлемде бар Shadi 2000-ды санауға бір қолдың саусағы жетеді, оның үстіне мұндай пикап өте экзотикалы көрінеді.

1 / 5

• 
• 
• 
• 
• 

1 / 5

Shadi 2000 атауы 1980 жылдардың аяғында шағын Chevrolet пикаптарына орнату үшін АҚШ-та шыққан, 12 бөліктен тұратын бодикитке берілген. Оны қай фирма жасағаны белгісіз, небәрі жеті комплектісі болды. Соған қарағанда тюнинг жоба клиенттерге аса ұнамаған сияқты.

Бодикиттің арқасында пикап Corvette стиліндегі үшкір «тұмсық», ауатартқыш және жаңа оптикасы бар көлбеу алдыңғы бөлікке ие болды. Машинаның дөңгелек аркасы кеңейіп, үлкен табалдырыққа қосылды, артқы дөңгелек аркасына шам орнатылған. Жинаққа жаңа артқы есік, басқа бампер және өзгеше антиқанат кіреді. Саудаға шыққан экземпляр дрэгстер немесе маслкар стиліндегі үлкен дөңгелек дискісімен жабдықталған.

Пикаптың техникалық сипаттамасы жайлы ақпарат аз, тек капот астында автомат қораппен жұмыс істейтін 5.7 литрлік 8 цилиндрлі мотор тұрғаны белгілі. 1990 жылы конвейерден түскен бұл экземпляр 86.7 мың шақырым жол жүрген.