16 шілдеде жол қауіпсіздігі мәселесіне қатысты ведомствоаралық жұмыс тобының кезекті отырысы өтті, оның аясында қызық ұсыныс айтылды.
Полиция елімізде трассаларда жасырын патрульдеу енгізбекші. Тәртіп сақшылары арнайы белгісі жоқ көлікпен жол ережесін бұзғандарды фотовидео жүйелері арқылы тіркейді. Мұндай патруль жүргізушімен тікелей қарым-қатынас жасамайды, айыппұл туралы ақпарат автоматты түрде процессингтік орталыққа, содан кейін құқық бұзушының өзіне хабарлама арқылы жіберіледі.
Ішкі істер министрлігі мұндай тәжірибе Атырау облысының жолдарында сәтті сыналғанын және оны басқа өңірлерге де ұсынатынын мәлімдеді. Бұл жаңашылдық барлық қала сыртындағы трассаға қашан жететіні нақты айтылмады.
Министрліктің өкілдері тағы бір жаңашылдық туралы айтты, оны да кеңінен қолдануы мүмкін. Ол — жол-көлік оқиғасының сызбасын жасау үшін дрон пайдалану.
Комментариев: 0