Демалыс күні құқық қорғау органдарының базасынан ақау шықты.
«13-14 тамыз аралығында Бас прокуратураның ЕРАП ақпараттық жүйесінде нұсқамаларды автоматты түрде рәсімдеу кезінде техникалық ақау шықты. Соның салдарынан орташа жылдамдықты асыру бойынша кейбір ереже бұзу әрекеті бір сәттік жылдамдықты асыру ретінде қате рәсімделген.
Қазір әріптестерімізбен бірлесіп техникалық ақаудың салдарын жою бойынша жұмыс жүргізіп жатырмыз. Жүргізушілерге айтарымыз, ешқайда барудың, полицияға жүгінудің немесе дәлелдеудің қажеті жоқ. Қате рәсімделген барлық нұсқама анықталды және олар автоматты түрде жойылады», — деді ҚР ІІМ Әкімшілік полиция комитетінің төрағасы Мұрат Қабденов.
Ол мәселе тек тас жолда аталған техникалық ақаудың салдарынан қате рәсімделген айыппұлдарға қатысты екенін атап өтті. Мұндай айыппұлын төлеп қойған кісілерге қаражатты қайтару мәселесі пысықталып жатыр екен.
Комментариев: 0