Toyota үш суперкарын көрсетті

Toyota концерні үлкен премьера өткізіп, Gazoo Racing бөлімшесінің жалпы жолға және жарыс трассасына арналған GR GT индексті екі суперкарын ұсынды. Екі жаңа өнім электрлі қондырмасы бар жаңа V8-бен жабдықталған. Lexus маркасы LFA концептісін көрсеткенмен, оған қатысты тың мәлімет бермеді.

1 / 17

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 17

Toyota GR GT — флагман суперкар, әйгілі 2000GT және Lexus LFA сияқты модельдердің ізбасары. Автомобиль жүргізуші үшін жасалған және жалпы жолда жүретін жарыс машина саналады. Бренд оның қарапайым және GR GT3 индексті трекке арналған нұсқасын бір уақытта әзірлеген, екеуі техникалық жағынан бірдей.

1 / 15

• 
• 
• 
• 
• 
• 
• 
• 
• 
• 
• 
• 
• 
• 
• 

1 / 15

Инженерлер ауырлық ортасын, салмағын барынша төмендетіп, аэродинамикасын жақсартқан. Концерн алғаш рет толықтай алюминийден жасалған шанақ әзірлеп, карбон панельдер орнатты. Мотор алдыға, беріліс қорабы артқы оське жайғасты.

Компания 4 литрлік V8-ді жаңадан жасапты. Оған жаңа 8 сатылы автомат қорабына кіріккен электромотор көмектеседі. Инженерлердің есебінше қарапайым GR GT-дің қуаты 650 ат күшінен (850 Нм) асады. Нақты көрсеткіші сериялық өндіріс басталар алдында белгілі болады. Купенің салмағы 1750 келіден аспайды. Ең жоғарғы жылдамдығы — 320 км/сағ. Салмағы 45:55 қатынасында үлеседі.

Стандарт GR GT және жарыс машинасының дөңгелек базасы бірдей — 2725 мм, бірақ ұзындығы әртүрлі — 4820 және 4785 мм. Екеуі екі иінтіректі аспа және карбон-керамикалық тежеуішпен жабдықталған. Өлшемдері шанақ аэродинамикасына байланысты әртүрлі, GR GT3-те электрлі қондырма жоқ.

Toyota жаңа модельдің алдымен аэродинамика сипаттамасына мән берген, кейін сырт келбетін жасаған. Мамандар интерьерін тәжірибелі жүргізушінің қажеттіліктеріне сай әзірлеп, кейін күнделікті қолданысқа бейімдеген.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Toyota GR GT жобасы жол сынағынан өте бастағанын ескерсек, серияға шығуға өте жақын. Lexus-тың LFA деп аталатын суперкары әзірге тек шоукар, марка оны Lexus Sport деген атаумен бірнеше рет көрсеткен. Дегенмен премьерада Lexus қосымша ақпарат жариялады. LFA моделі GR GT-мен бір платформаны бөліседі, дөңгелек базасы мен аспасы сонымен бірдей, бірақ электрлі күштік құрылым алады. Сериялық GR GT 2027 жылы жарық көрсе, LFA қашан шығатыны белгісіз. Бір уақытта үш түрлі суперкар әзірлеу Toyota-ның клиенттерге барынша әртүрлі қозғалтқыш ұсыну стратегиясына сәйкес келеді.