Toyota Ресейдегі зауытын жаба ма?

Toyota Ресейде көлік өндіруді тоқтатады. Бұл туралы «Коммерсантъ» басылымы хабарлады. Дереккөз мәліметіне сенсек, жапондар биыл наурыздан бері жабық тұрған Шушарыдағы (Санкт-Петербург) зауытқа автобөлшек жеткізе алмады. Қазір өндіріс орны консервацияны немесе сатуды күтіп тұр. Toyota онда енді машина шығаруға ниетті емес.

Зауыт жабылған соң Toyota-ның Мәскеудегі бөлімшесінің қызметкерлері де қысқарады. Бірақ компанияның Ресейден толықтай кететіні туралы ақпарат жоқ.

Toyota зауыты Ресейде 2007 жылы ашылған. Кейінгі кезде онда RAV4 пен Camry жасалды. Аталған екі модель Қазақстанға дәл осы Санкт-Петербургтегі зауыттан келетін.