Toyota RAV4-ті жаңартады

Toyota RAV4 кроссоверін жаңартатынын ресми мәлімдеген жоқ. Бірақ желіде модельдің жаңа буынының прототипі болуы мүмкін машинаның алғашқы фотосы жарияланды. Сурет Қытайда түсірілген.

AutoHome басылымы ол Toyota RAV4-тің жаңарған нұсқасы екенін хабарлады. Модель тағы рестайлингтен өте ме, әлде буын алмастыра ма, белгісіз. Суреттен RAV4-тің шанағы өзгергенін көруге болады. Мысалы, алдыңғы бөлікте жаңа оптика, басқа радиатор торы мен бампер пайда болған. Шанақтың артқы тірегі де өзгеріпті.

Бірақ фотосуреттің шынайылығына аздап күмән бар. Мысалы, фототыңшылардың жаңа модельді әдеттен тыс камуфляжсыз суретке түсіріп алғаны қызық болып тұр. Суреттегі RAV4-тің сырт пішіні Crown топтамасы және жаңа Toyota электромобильдерінің дизайн стиліне ұқсамайды. Бірақ жаңа Camry-дің сырт пішіні де осындай стильде жасалған.

2023 жылдың басында инсайдерлер 2024 жылы модель буын алмастыратынын хабарлаған. Олар кроссовер өндірісі қазанда басталатынын айтты. Мотор гаммасында гибрид қана қалады, бірақ Toyota платформа өзгертуді жоспарлап отырған жоқ.