Қарт құрлықта марканың Yaris, Yaris Cross, Corolla, C-HR және Hilux сияқты модельдерінің спорттық нұсқасы жарық көрген, сондықтан атауында GR Sport қосымшасы бар RAV4 ондағы жұртты таңғалдырмайды. Кроссоверге мамандар 19 дюймдік жеңіл балқитын жылтыр қара диск орнатыпты. Радиатор торы, екі бампер, молдинг, табалдырық пен дөңгелек аркасының қаптамасы да дәл сондай түсте әрленген.
Салонда электрлі реттелетін екі спорттық орындық тұр. Оларды синтетика былғарымен қаптаған, бас тірегіште GR логотипі бар. Стандарт комплектация 10.5 дюймдік сенсорлы мультимедиа экраны, 12.3 дюймдік цифрлы аспаптар панелі, артқы көрініс камерасы және Toyota Safety Sense жүйесінің толық жинағымен жабдықталады.
GR Sport-тың басқалардан басты айырмашылығы анағұрлым қатты серіппесі мен амортизаторында. Өндіруші бұл жинақ машинаны жақсы басқаруға мүмкіндік береді дейді.
Toyota RAV4 GR Sport Еуропа нарығына биыл IV тоқсанда шығады. Бағасы әзірше белгісіз. Біздің елде де GR Sport нұсқалары өте танымал. Бұған Land Cruiser 300 дәлел бола алады. Бағасы қарапайым модельден қымбат болса да, қызығушылар саны азайған емес.
Комментариев: 0