ЕЭО елдеріне сатылатын Toyota Corolla-ның Түркиядағы өндірісі басталғаны жайлы ақпараттың пайда болғанына көп болған жоқ. Алайда, стандартты көліктің суреттері болмай, барлық жерде Еуропаға арналған гибридтің Corolla-ның суреттері тарады. Енді, міне, атмосфералы моторға ие темір тұлпардың фотосы бар.
Сырттай қарағанда көліктер өте ұқсас. Оларды тек дөңгелек дискілерінен және алдыңғы қанаттағы Hybrid білігінің жоқтығынан ажыратуға болады. Моторлары жайлы сөз қозғар болсақ, бұрын да айтылғандай, жаңа моторлардың ешқайсысы Қазақстанға жетпейді. Біздің көшелерде бұрынғы 1.6 литрлік 122 ат күшіне ие атмосфералық моторы бар «королла» жүйткиді. Бұл мотор не 6 сатылы механикамен, не вариатормен агрегатталады.
Жергілікті нарық жаңа қозғалтқыштан құр қалса да, жабдықтау жағынан бәрі тамаша. Бұл тұрғыда бізге келетін көліктер еуропалықтардан кем түспейді. Жиынтық түріне байланысты сатып алушыларға қос аймақтық климат бақылау, рөл мен барлық орындықтарды жылыту жүйелері, 8 дюймдік үлкен экраны бар мультимедиалық кешен, сондай-ақ, алдыңғы терезеге арналған проектор ұсынылады. Тізімде Safety Sense 2.0 кешенінде жинақталған көптеген электронды көмекшілер бар.
Жаңа көліктің Қазақстан нарығындағы сатылымы биыл, ақпанның соңы мен наурыздың алғашқы күндерінде бастау алады. Toyota көлік бағасын жақында жариялайды.
Комментариев: 0