Жапонияның автокөлік дилерлері ассоциациясы (JADA) берген мәліметке сүйенсек, 2019 жылы 5 195 216 автокөлік сатылған, бұл өткен жылмен салыстырғанда 1.5 %-ға аз. Бірақ бұл заңды құбылыс. Алдыңғы екі жылда сатып алушылар саны үздіксіз өсті, ал азаматтардың саны артқан жоқ.
Toyota өз елінде де танымал. Компания былтыр 1 547 173 көлік сатқан. Ал Honda — 722 075, Suzuki — 696 014 машина сатты. Toyota сатылым бойынша нәтижесін жақсартса (+2.6 %), оның қарсыластарының көрсеткіші көңіл көншітпейді (тиісінше —3.4 және —2.6 %).
Үлгілер арасында 125 587 данасы сатылған Toyota Prius бестселлер атанды. Екінші орын Nissan Note (118 472 дана) еншісінде. Ал үздік үштікті Toyota Sienta (110 880 дана) түйіндеді. Одан кейінгі орындарды Toyota Corolla (104 406 дана) мен Toyota-ға тиесілі Aqua гибриді (103 803 дана) өзара бөліскен.
Біздің елде былтыр 70 мың жаңа автокөлік өз иесін тапты, 14 мың машина сатқан Toyota жыл қорытындысы бойынша Hyundai мен Lada-ға есе жіберіп, үшінші орынға тұрақтады. Соған қарамастан Camry үлгілер арасында ешкімге дес берер емес. Екінші нарықтағы хабарландырулар саны мен тіркеу/қайта тіркеу нәтижелері жапониялық марканың көшбасшы екенін растайды.
Комментариев: 0