Қытайлық Autohome порталы ҚХР ұлттық патенттік ведомствосының деректер базасынан табылған Toyota-ға тиесілі екі батареялы кроссовердің нобайын жариялады. Қос көлік те e-TNGA электрлі платформасында жасалған және бір-бірінен көлемімен, шанағымен ерекшеленеді.
Бес есікті ірі кроссовердің салоны кең, жүксалғышы сыйымды. Созыңқы келген ортаңғы бөлігі шасси негізіне кәдімгідей үлкен батарея орналасқандығын білдіреді. Бұл — отбасылық электромобиль.
1 / 3
Шағын машина керісінше, спорттық стильде жасалған. Екі көліктің де есік тұтқасы суырмалы, ал айна орнына камера орнатылған.
1 / 3
Toyota өткен жылы өз өнімдерін біртіндеп электрлі жетекке ауыстыратынын хабарлаған. Жоғарыда аталған батареялы темір тұлпарлар осы жоспардың бір бөлігі.
Комментариев: 0