Toyota сутек арқылы жұмыс істейтін мотор жасауға бел шеше кірісті. Автоөндіруші желтоқсанда GR Yaris H2 прототипін көрсеткен, ал бірнеше ай бұрын Corolla-ның сутегімен жүретін жарыс нұсқасы жарыққа шықты.
Жапониялық Best Car журналының хабарлауынша, компания инженерлері Toyota Land Cruiser 300-ге қойылуы мүмкін V8 моторын дайындап жатыр.
Қазірше аталған мотор туралы және сутекті «үш жүздіктің» прототипі қашан көрсетілетіні жайлы ақпарат жоқ. Оның үстіне Toyota жол талғамайтын көліктің сутекті нұсқасын шығаратыны немесе жаңа Land Cruiser-ге V8 орнататыны жайлы ешқашан хабарлаған емес. Бірақ бұл журналдың ақпараты көбіне шын болып шығады.
TLC300-дің капот астына қазір турбоүрлемді V6 (бензинді V35A-FTS және дизельді F33A-FTV) мен бұрынғы 4 литрлік атмосфералы 1GR-FE ғана қойылады.
Комментариев: 0