Toyota жаңа Land Cruiser 250-ді 2030 жылға дейін шығаруды жоспарлап отыр. Жол талғамайтын көлік ұзақ уақыт көпшілік көңілінен шығуы үшін инженерлер оған электрлі немесе сутекті күштік құрылым орнату мүмкіндігін зерттеп жатыр деп жазды Automotive News.
Бренд бұл бағытта алғашқы қадамды жасады, TLC 250-дің 330 ат күшіне ие гибрид нұсқасы шығады. TNGA-F платформасы іштен жанатын қозғалтқышқа ғана арналмаған. Бірақ мотордың мүлде басқа түріне көшкенде жаңа энергияға бейімделу үшін біраз күш жұмсауға тура келеді деп санайды Land Cruiser сериясының бас маманы Кейта Морицу.
Атап айтқанда, электрлі нұсқасы экология тұрғысынан артықшылыққа ие болғанымен, аккумуляторлы көлік қатты ыстық пен суыққа төзімсіз болады. Ал сутекті нұсқасы ұзақ жол жүруге жарайды, бірақ ол үшін машинаға өте үлкен жабдық орнату қажет, оның үстіне қуаттау бекеті тапшы.
Морицудың айтуынша компания әлі нақты шешім қабылдаған жоқ. Екі нұсқаның пайдасы мен зиянын мұқият зерттеп, шешім шығарады.
Комментариев: 0