12 қыркүйек күні таңғы уақытта Қарағандыдағы полиция бөліміне ұрлық жөнінде арыз түсті. Жергілікті полиция департаментінің баспасөз қызметі хабарлағандай, зардап шеккен азамат белгісіз адамның жол талғамайтын көліктегі ұсақ-түйек салатын жәшікте жатқан сегіз миллион теңгені алып кеткенін айтқан.
Жедел іздестіру барысында тәртіп сақшылары 22 жастағы қала тұрғынын ұстады. Жігіт қылмысын бірден мойындаған. Қылмыстық кодекстің 188-бабы бойынша күдіктіге қатысты іс қозғалды, ол жеті жылға дейін түрмеге қамалуы мүмкін. Қазір қаскөй уақытша ұстау изоляторында отыр.
Айта кетерлігі, полицейлер қолды болған қомақты қаражаттың қайтарылғаны не қайтарылмағаны туралы жақ ашпады. Көлік иесінің сонша ақшаны неге жәшікте қалдырғаны да белгісіз. Ал сіз осындай тәуекелге барар ма едіңіз?
Комментариев: 0