Сатып алушы полицияға жақында алған Kia Rio көлігінің ұрланғанын мәлімдеген. Ол құлыптаулы машинаны Сарыарқа ауданындағы үйлердің бірінің ауласына қояды. Бірақ таңертең оның орнында жоқ екенін байқаған. Жәбірленуші 2 миллион теңгеге шығындалғанын айтады. Нұр-Сұлтан қалалық ПД баспасөз қызметі хабарлағандай, тергеушілер бейнебақылау камерасы арқылы автокөліктің таңғы уақытта, шамамен сағат 5:00-де ұрланғанын анықтады. Ұры машинаның есігін арнайы құрылғымен емес, кілтпен ашқан.
Көп ұзамай қылмыскердің жеке басы анықталды. Ол Kia-ның бұрынғы иесі болып шықты. Тергеу кезінде ер адам көлікті сатқаннан кейін кілттің көшірмесін алып қалғанын, әрі жаңа иесінің мекенжайын біліп алғанын мойындады. Содан кейін ол орайын тауып, машинаны айдап кеткен. Күдікті көлікті жалға алған гаражға жасырып, кейін Қостанайға жеткізеді. Полицейлер Kia-ны аталған қаладан тапты.
Көлік ұрлаған азамат жеті жылға дейін бас бостандығынан айырылуы мүмкін.
Комментариев: 0