Таяу және Орта Шығыс елдері крузактың негізгі тұтынушысы екені белгілі. Toyota Land Cruiser 300 ең алдымен Біріккен Араб Әмірлігінде сатылымға шықты, су жаңа машиналар мұнда 20 маусымнан бастап сатылып жатыр.
Көптен күткен модельдің нарыққа шығуына орай, жергілікті Toyota дистрибьюторы сатылған алғашқы 50 «үш жүздіктің» қатысуымен шеру ұйымдастырды. Бұл туралы Gulf News басылымы хабарлады. Клиенттер қатарында аталған елдің арнайы қызметі де бар. Дубай мен Әбу-Даби полициясы үш TLC 300 сатып алған. Қала мен қызмет көрсету орнына байланысты машиналардың түсі әртүрлі (ақ-жасыл, ақ-көк және сары-көк) болады.
Land Cruiser 300-дің бағасы БАӘ-дегі Al-Futtaim Toyota дилерінде 229 900 дирхамнан (26.68 миллион теңге) басталады. Ал Қазақстанда бұл модельдің ең арзаны 35 млн теңге тұрады.
Комментариев: 0