Toyota компаниясы Land Cruiser 300 жайлы әлі ресми мәлімет берген жоқ. Бірақ модельге қатысты ақпарат күн өткен сайын көбейіп келеді. Зауыттағы бөлшектер каталогынан суреттер жариялауға жауапты ақпарат көзі жаңа деректермен бөлісті.
Негізгі ақпарат күштік құрылымның қуатына қатысты. Атап айтқанда V35A-FTS шамамен 420 ат күшін, ал дизельді F33A-FTV 309 ат күшін береді. Айта кетейік, Land Cruiser 200-дің 4.6 литрлік V8 моторы 309 ат күшіне ие.
Жаңа деректерге сүйенсек, V35A-FTS турбомоторы 10 сатылы автоматпен жұмыс істейді. Бұрынғы 4 литрлік 1GR нұсқасында 6 сатылы автомат сақталады.
Жапонияда Land Cruiser 300 кем дегенде бес нұсқада сатылады: GX, AX, VX, ZX және GR-S. Соңғы екеуі 5 және 7 орынды, ал алғашқы үшеуі жеті орынды. Ең толық жиынтық 20 дюймдік дөңгелек, 12 динамигі бар аудиожүйе, дифференциалды бұғаттауыш, AVS бейімді аспа және VDIM кешенімен жабдықталған ZX нұсқасында болатын секілді.
LC300 сатып алып, жолсыз жермен жүйткуді қалайтындар үшін жағымды жаңалық бар. Кейбір автомобильде стандарт шығыр (лебедка) опция ретінде қолжетімді.
зын екен